Осы демалыста Филиппинге келген «Нору» тайфунынан қаза тапқандар саны 10 адамға жетті, 8 тұрғын із-түзсіз жоғалғандар тізімінде. Бұл туралы Ұлттық табиғи апаттар кеңесінің ресми өкілі Рафаэлито Алехандро мәлім етті, деп хабарлайды ҚазАқпарат-қа сілтеме жасаған kazlenta.kz.
Ол кеңестің қаза тапқан 10 адамды тіркегенін, соның ішінде бесеуі құтқарушы болғанын мәлім етті. Олар Маниладан солтүстікке қарай Булаканада «Нору» құрлыққа жеткенде мерт болған.
Із-түзсіз жоғалғандар саны сегіз адамға жетті - бесеуі Солтүстік Камаринестеннен, екеуі Рисальдан және біреуі Кесон провинциясынан.
«Нору» дүйсенбі күні Филиппиннен кетті.