Ru  Kz
Барлық жаңалықтар

Демалыс және спорт саласындағы қызметтер бір жылда 9% қымбаттады

Бірінші жартыжылдықтың қорытындысы бойынша спорт, демалыс және ойын-сауық ұйымдастыру саласындағы қызмет көлемі 254,8 млрд теңгені құрады, бұл былтырғыдан құндық мәнде 69,7%, нақты мәнде 58,4% артық, деп хабарлайды Finprom.kz-ке сілтеме жасаған  kazlenta.kz


Экономиканың бақыланбайтын секторын есепке алмағанда, сектордағы қызмет көрсету 254,6 млрд теңгені құрады, бұл былтырғы сәйкес кезеңмен салыстырғанда құндық мәнде 70,6% артық. Өңірлер бойынша спорт, демалыс және ойын-сауық саласындағы қызметтердің басым бөлігі Алматы қаласында көрсетілген (145,9 млрд теңге, жылдық өсім 2,3 есе). Үздік үштікке сондай-ақ елорда (26,8 млрд теңге, 8,3% өсім) және Қарағанды облысы (7,1 млрд теңге, 7,3% өсім) кірді. Мұндай қызметтердің ең азы Ұлытау (1,4 млрд теңге), Абай (1,9 млрд теңге) және Қостанай (2,9 млрд теңге) облыстарында көрсетілген.

Спорт саласында қызмет көрсету көлемі 76,8 млрд теңгені құрады, бұл өткен жылмен салыстырғанда құндық мәнде 36,1% артық. Оның ішінде халық есебінен көрсетілген қызмет 16,7 млрд теңгені немесе жалпы көлемнің 21,8%-ын құрады. Демалыс және ойын-сауық қызметтері 177,9 млрд теңгеге жетті, бұл бір жыл бұрынғыдан 91,6% артық. Халықтың қаражаты есебінен сала бойынша қызмет көрсету көлемінің 74%-ы қамтамасыз етілді. Ауылдық жерлерде спорт саласында көрсетілген қызмет көлемі небәрі 4 млрд теңгені, демалыс және ойын-сауық саласында 21,6 млрд теңгені құрады.


Бірінші жартыжылдықтың қорытындысы бойынша мәдениет, спорт, туризм және ақпарат кеңістігіне жергілікті бюджет шығындары 214,8 млрд теңгеге жетіп, жылдық өсім 39,6%-ды құрады. Өңірлер ішінде сала бойынша жергілікті бюджет шығындарының ең көп көлемі Түркістан облысында тіркелді: 27,1 млрд теңге, жылдық өсім 56%. Үздік үштікке сондай-ақ Алматы (20,5 млрд теңге, 2 есе өсім) және Қарағанды (18,4 млрд теңге, 29,5% өсім) облыстары кірді. Ең төменгі көрсеткіштер Маңғыстау облысында байқалды: бар болғаны 6,4 млрд теңге, бұл былтырғыдан 25,6% артық.


Ал оңтүстік астанада балаларға арналған спорттық-шығармашылық бағдарламаны жан басына шаққандағы қаржыландырудың тоқтатылуына халықтың наразылығы бірнеше айдан бері басылмай отыр, деп хабарлайды Вечерний Алматы. Ашынған ата-аналар балаларының хобби топтары мен секцияларында тегін оқу мүмкіндігін қайтаруды талап етіп петициялар жариялауды жалғастыруда.

Өз кезегінде Шығыс Қазақстан облысының прокуратурасы Artsport бағдарламасын жүзеге асыру барысында өрескел заң бұзушылықтарды анықтады, деп хабарлайды Tengrinews.kz.


Ескерту: Алматыда жергілікті бюджеттің мәдениет, спорт, туризм және ақпараттық кеңістікке шығындары бір жылда 53,9%, 18 млрд теңгеге дейін, Шығыс Қазақстан облысында 13,9%, 13 млрд теңгеге дейін өсті.


Биылғы жылдың тамыз айының қорытындысы бойынша, демалыс және спорттық іс-шаралар саласындағы қызметтердің бағасы бір жылда 9,4% өсті. Музыка сабақтарын қосқанда баға 5,7%, бассейн қызметтері (абонемент) 11,3%, шынығу залы қызметі (абонемент) 9,7%, мектеп жасындағы балаларға арналған спорт секцияларындағы сабақтар 5,9%, балалар аттракциондарының қызметі 14,4% қымбаттады.

Өңірлер бойынша ең көп жылдық баға өсімі Атырау облысында тіркелді: 27,5%. Одан кейін Алматы (22,6%) және Батыс Қазақстан (21%) облыстары. Ең аз жылдық өсім Ақтөбе облысында байқалды: 1,7%.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Димаш Құдайберген Сербияда беделді «Ағайынды Карич қоры» сыйлығын алды
Костенко шахтасындағы апат: Әнші Димаш жас баласы бар 20 отбасыға 20 миллион теңге аударды
Мультимедиа
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты
Қасым-Жомарт Тоқаев «Болашақтың ойындары» халықаралық турнирінің ашылу рәсіміне қатысты
Қасым-Жомарт Тоқаев Президенттік жастар кадр резервінің форумына қатысты
Олжас Бектенов IV қысқы жасөспірімдер арасындағы Олимпиада ойындарының жеңімпаздарына Мемлекет басшысының алғыс хаттарын табыс етті
Алматы Халықаралық әуежайының жаңа терминалы 87% дайын