ШҚО Алтай ауданының жалғыз ҰОС ардагері Василий Григорьевич Рудометов өз учаскесіне жеке барып, дауыс берді, деп хабарлайды kazlenta.kz.
Шығыс Қазақстан облысының Алтай ауданында Ұлы Отан соғысының жалғыз куәгері тұрады. Василий Григорьевич Рудометов өзінің сайлау учаскесіне жеке өзі аяқтай барып, жаңа Қазақстан құруға өз дауысын берді.
Жалпыхалықтық дауыс беруге енгізілген ауқымды түзетулер – ел болашағы үшін қабылданған оңды шешім. Аталмыш түзетулердің ел тағдыры үшін маңыздылығын жастар да, аға буын өкілдері де түсінеді. Ауданның белсенді азаматтары өздерінің азаматтық ұстанымдарын білдіру үшін сайлау учаскелеріне жаппай баруда.
95 жастағы Ұлы Отан соғысы ардагері Василий Григорьевич өз дауысын үйден шықпай беру мүмкіндігіне қарамастан, учаскеге жеке келіп, әрбір қазақстандық үшін референдумның маңызын үлгі ретінде көрсетуге шешім қабылдады. Василий Григорьевич жарқын болашаққа шынайы сенім білдіріп, барлығына денсаулық, амандық және молшылық тіледі.