Соңғы екі аптада елімізде коронавирустық инфекциямен сырқаттанушылық деңгейі 1,6 есеге төмендеді, барлық жерде инфекциялық және реанимациялық төсектердің қамтылуының төмендеуі жалғасуда, деп атап өтті Денсаулық сақтау министрі Алексей Цой ведомствоаралық комиссияның кезекті отырысында сөйлеген сөзінде, деп хабарлайды kazlenta.kz.
Жалпы, Қазақстан сары аймақта, ал 5 өңір қызыл аймақта қалады: Ақмола, Қарағанды, Павлодар, Алматы және Нұр-Сұлтан қалалары.
Ол елдегі КВИ-ге қарсы вакцинацияның қарқыны туралы хабарлады. Бірінші дозамен қамту - 76,2% (7,6 млн.адам), екінші дозамен қамту - 65,2% (6,5 млн. адам) құрады.
Бұл ретте, вакцинациялаумен қамту республикалық көрсеткіштен (73,6%) төмен 10 өңірде байқалады, Маңғыстау облысында 44,5%-дан Атырау облысында 74,9%-ға дейін.
«Бүгінде әлемнің 7 елімен (Венгрия, Таиланд, Моңғолия, Грузия, Молдова, Қырғызстан, Түркия) вакцинация паспорттарын өзара тануға қол жеткізілді, жұмыс жалғасуда. Сонымен қатар, СІМ-мен Аргентинаның вакцинация паспортын өзара тану туралы ұсыныс келіп түсті, қолдауды сұраймын», - деді А. Цой.
Денсаулық сақтау министрлігінің деректері бойынша, жалпы республика бойынша тәуліктік вакцинация жоспары 42,7%-ға орындалды. Жоспардың ең көп орындалуы Шығыс Қазақстан облысында (85%) және Түркістан облысында (74%) байқалады.
Министр КВИ бойынша эпидемиологиялық жағдайдың тұрақтануын ескере отырып, брифингтер офлайн режимде өткізуге рұқсат берілгеніне ерекше назар аударды. Сонымен қатар, баспасөз іс-шараларына қатысушылар бірқатар қажетті санитарлық ережелерді сақтауы және Ashyq қосымшасында «жасыл» мәртебеге ие болуы керек.