Президент Қасым-Жомарт Тоқаев дарынды жас әнші Рухия Байдүкенованы Беларусьтың Витебск қаласында өткен "Славян базары" байқауындағы сенімді жеңісімен құттықтады, деп хабарлайды kazlenta.kz.
Бұл туралы президенттің баспасөз хатшысы Берік Уәли Facebook-парақшасында жазды.
Әлемнің көптеген елінің кіл мықты таланттары қатысқан осынау айтулы байқауда көрсеткен өнеріңіз – Сіздің кәсіби даралығыңыздың, табиғи дарыныңыз бен әртістік шеберлігіңіздің айқын дәлелі, – деді Қасым-Жомарт Тоқаев құттықтауында.
Мемлекет басшысы Рухия Байдүкенованың табысты өнер көрсетуі Тәуелсіздігіміздің 30 жылдығы қарсаңында барша қазақстандыққа жасаған тамаша тарту болды деп санайды.
Қазақстандық әнші Рухия Байдүкенованың Витебскіде өткен “Славян базары” халықаралық өнер фестивалінің бас жүлдесін жеңіп алғанын хабарлаған едік.