ҚР Премьер-Министрі Асқар Маминнің төрағалығымен өткен инвестициялық штаб отырысында ҚР Ұлттық экономика министрі Әсет Ерғалиев инвестицияларды басқарудың жаңа тәсілдерін таныстырды, деп хабарлайды kazlenta.kz.
ҰЭМ басшысы хабарлағандай, Қазақстанның 2025 жылға дейінгі дамуының ұлттық жоспары бойынша негізгі капиталға инвестициялар көлемін ЖІӨ-нің 30%-іне дейін жеткізу мақсаты қойылған.
Оның айтуынша, аталған мақсатты көрсеткіштерге қол жеткізу үшін инвестицияларды таргеттелген және проактивті тарту бойынша жүйелі шаралар іске асырылатын болады. Инвестиция тарту үшін агроөнеркәсіптік кешен, туризм, инфрақұрылым, машина жасау, фармацевтика, ТМК, мұнай химиясы, IT, білім беру және қосылған құн деңгейі жоғары басқа да салалар басым секторлар ретінде айқындалды.