Мұз көшкінінің суреттері Instagram желісіндегі Krispi_almaty және Kris.p.original пабликтерінде пайда болды. Онда Есентай өзенінің жағалауында мұз жатқанын әрі ол қоршауды бұзып өткенін анық көруге болады. Алматы қаласы әкімдігінің баспасөз қызметі ауа температурасындағы ауытқуларға байланысты мұз көшкіні жүріп, қоршауды шайып өткендігін хабарлады.
"Алматы қаласы ТЖД, экология және қоршаған орта департаменті, "Қазселденқорғау" мен құтқару қызметі мамандарымен аумақты тазалау және қалпына келтіруге байланысты жедел шаралар қолға алынды", – деп түсіндірді ведомствода.
Бүгінде өзен суы қалыпты жағдайда ағып жатыр, тұрғындардың өміріне қауіп төніп тұрған жоқ, деп хабарлады қала әкімдігінің өкілдері.