Ағымдағы жылдың 14 қаңтарында Үржар аудандық полиция бөліміне Таскескен – Бақты республикалық тасжолында Тасбұлақ ауылына көмір әкеле жатып қалың қар мен боранның салдарынан көліктері қарға батқанын жүргізуші хабарлаған. Өз күштерімен қармен алысқан жүргізушілердің әрекеттерінен нәтиже шықпаған, деп хабарлайды kazlenta.kz.
Жолда қалған азаматтарға көмек көрсету үшін аудандық ПБ қызметкерлері Нұрбол Баженов, Талант Нұрғожанов және Айдар Саматеев тұрғындармен бірлесіп, көліктерді және жолды қардан тазартып, ауыр техниканы жұмылдырып үш күн бойы қарға көмілген техниканы құрсаудан босатқан.
Тәртіп сақшылары көлікті қар құрсауынан босатып, трассаға шығарып салды. Өз кезегінде жүргізушілер көмектескен полиция қызметкерлеріне алғысын білдірді.