Бұл жөнінде бүгін Орталық коммуникациялар қызметі алаңында Шымкент қаласының әкімі Ғабит Сыздықбековтің қатысуымен өткен брифинг барысында баяндалды.
«Жұмысшы жастарға және халықтың әлеуметтік осал топтарына 1 мыңнан астам пәтер береміз. 201 азаматқа қайтарымсыз негізде 1 миллион теңгенің тұрғын үй сертификаты табысталды. Әлеуметтік тұрғын үй алушылар санатына енбейтін азаматтар да назардан тыс қалмайды. Жергілікті «Қамқор» тұрғын үй бағдарламасы аясында 150 отбасыға жеңілдетілген несиелер берілді», – деді қала басшысы.
Бұл бағдарлама әрі қарай да жалғасын табады. Жалпы, жыл соңына дейін 1 миллион 75 мың шаршы метр тұрғын- үй пайдалануға беріледі.Айта кетейік, бүгінде Шымкент қаласында 51 мыңнан астам халық әлеуметтік, 175 мыңға жуық азамат кредиттік тұрғын- үй кезегінде тұр.
"Ең бірінші кезекте, азаматтардың әлеуметтік санаты ескерілетін болады. Ол үшін арнайы бағдарламалар түзіліп, оны іске асыру бағытында ауқымды жұмыстар атқарылып жатыр. Қала аумағының кеңейіп, тұрғын- үйлердің құрылысы жыл санап артып келе жатқанын ескерсек, баспана мәселесі оңтайландырылатын болады", - деп атап өтті Ғабит Сыздықбеков.