Ru  Kz
Барлық жаңалықтар

Тоқаев Қатар әмірін Қазақстанға шақырды

Тоқаев Қатар әмірін Қазақстанға шақырды
Фото: Ақорда

Мемлекет басшысы Қасым-Жомарт Тоқаев Қатар Әмірі шейх Тамим бен Хамад Әл Тәнимен кездесті, деп хабарлайды Ақордаға сілтеме жасаған Kazlenta.kz

Кездесу барысында екі елдің басшылары Қазақстан мен Қатар арасындағы ынтымақтастықтың қазіргі жағдайын және даму перспективаларын жан-жақты талқылаған. Көшбасшылар сауда-экономикалық байланыстарды нығайтуға және бірлескен инвестициялық жобаларды жүзеге асыруға өзара ниетті екенін де растаған.

Сондай-ақ Қасым-Жомарт Тоқаев шейх Тамим бен Хамад Әл Тәниге ілтипат білдіре отырып, форумға шақырғаны және жылы қабылдағаны үшін ризашылығын білдірген. Мемлекет басшысы экономикалық ынтымақтастықтың перспективалары туралы айта келе, екі ел арасындағы өзара сауда-саттық көрсеткіштерін арттыру маңызды екеніне тоқталған. Одан бөлек Қасым-Жомарт Тоқаев өзара мүддені көздейтін салалар бойынша Қазақстан мен Қатар арасындағы қатынастарды нығайту үшін зор әлеует бар екеніне назар аударып, екі мемлекеттің үкіметтері мен іскер топтары арасындағы ықпалдастықты жандандыруды ұсынған. "Біздің бірқатар инвестициялық жобаларымыз бар. Бүгін соларды сіздермен бірлесіп талқылауға дайынбыз. Қазақстан компаниялары осы бағытта Қатар бизнесімен тығыз ықпалдастық орнатуға ниетті", – дейді мемлекет басшысы.

Сонымен қатар Қасым-Жомарт Тоқаев Қатар әмірін өзіне ыңғайлы уақытта Қазақстанға ресми сапармен келуге шақырды. Өз кезегінде шейх Тамим бен Хамад Әл Тәни Доханың Қазақстанмен көпжақты экономикалық және инвестициялық ынтымақтастықты дамытуға мүдделі екенін мәлімдеді. "Бүгінгі экономикалық форумға Қазақстанның қатысқаны – мен үшін үлкен мәртебе. Біздің өзара сенімге негізделген қарым-қатынасымыз өте жақсы. Бірлескен жобаларды, әсіресе, ауыл шаруашылығы саласында жүзеге асыруға дайынбыз. Бұл еліміз үшін басым бағыт және жуық арада агроөнеркәсіп кешеніндегі бірлескен жобаларды егжей-тегжейлі талқылау үшін арнайы топ жібереміз", – дейді Қатар әмірі. Әңгіме соңында Тамим бен Хамад Әл Тәни Қазақстанға шақырғаны үшін Қасым-Жомарт Тоқаевқа алғыс айтып, жақын арада елімізге сапармен келуге ниетті екенін нақтылады. скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Юрий Шатуновтың бақилық болар алдында жазған соңғы әні жарық көрді
Әнші Дидар Кәденнің жұбайы өнер иесіне қыз сыйлады
"Ирина Кайратовна" тобының мүшесі шаңырақ көтерді
Майра Ілиясова Бибігүл Төлегеноваға ерекше құрмет көрсетті
Әнші Ералхан Әбішевтің не себепті сахнадан көрінбей кеткені белгілі болды
Мультимедиа
Жамбылдық полицейлер Шу тұрғынынан 200 келіге жуық есірткі тәркіледі
Lexus мініп каналға түсіп кеткен тараздық түлектің жаңа видеосы жарияланды
Ұлттық ұланның авиациясы екі жаңа тікұшақпен толықты
Елордалық полицейлер ақша салынған сөмкенің ұрлығын ашты
Ақмолалық полицейлер жасырын есірткі зертханасын жойды