14 қазанда Алматы қаласы Қоғамдық даму басқармасының қолдауымен Алмалы аудандық жастар ресурстық орталығы базасында отандық әнші және композитор Марат Омаровпен кездесу өтті.
Кездесуге қатысушылар қазақстандық жастар арасында музыкалық шығармашылықты ілгерілету перспективаларын талқылап, отандастарымыздың жарқын үлгілерін еске алып, өз әндерін орындады.
Таланттарды іздеу және кастингтер өткізу туралы кездесудің бас қонағы, ҚР Жастар Одағы сыйлығының лауреаты, ҚР Еңбек сіңірген әртісі, Қазақстан Композиторлар Одағының және «FIDOF» Әлемдік композиторлар қауымдастығының мүшесі Марат Омаров айтып берді. Ол балаларды шығармашылыққа және ән жазуға бағыт көрсетті.
- Егер сіз дарынды болсаңыз - өзіңізді көрсетіңіз! Сонда сіз туралы бүкіл ел біледі, - деді композитор.
Оның шығармашылық жолы, шетелдік көрерменнің қазақ музыкасына деген қызығушылығы, әуезділігі мен өзіндік ерекшелігі туралы әңгімесі шығармашылық шабыт берді және үлгі болды. Сондай-ақ, композитор жас дарындарға қолдау көрсететінін мәлімдеді:
- Конкурстар өткізіліп, балалар жүлделі орындарға ие болғаннан кейін әрі қарай не болады? Байқауда бәрі аяқталады, дарынды дамытумен енді айналыспайды. Продюсер болып, дарынды жастарға көмектесейік, - деп атап өтті Омаров.
Ол кастингтер өткізуді, балаларға продюсер болуды, жас дарындарға қолдау көрсетуді және шығармашылық болашаққа жол ашуды жоспарлап отыр. Композитор мен жас орындаушылардың мақсаты - шығармашылық алмасуды ұйымдастыру және Қазақстанның тарихы мен мәдениетін шет елдерде насихаттау.
Әрине, мұндай кездесу композитордың танымал әндерінің және «Коронавирус, кет, кет, кет» хитының жаңа нұсқасының тікелей орындауымен өтті. Жастардың қатысуымен позитивтік және мотивациялық «Бакытты кундер, кел кел, кел» әнін жазу композитордың жоспарында.