Қазіргі таңда, Жетісу өңірінде 476 мешіттер мен филиалдары заңды түрде қызмет атқарады, деп хабарлайды kazlenta.kz
Облыстық дін істері басқармасының ақпаратынша, бүгінгі таңда заңды қызметі бар мешіттерден бөлек, 48 құлшылық үйінің құрылыс жұмыстары жүргізіліп жатыр. Оның ішінде: 40 жаңа орыннан бой көтеріп жатқан мешіттер болса, 8-і ескі мешіттердің жаңарту мақсатында салынып жатыр.
Атап айтқанда, Қарасай ауданында 6, Іле мен Талғар аудандарында 5, Кербұлақ, Жамбыл, Ескелді аудандарында 4, Еңбекшіқазақ пен Панфиловта 3, Ақсу, Алакөл, Көксу, Сарқан, Ұйғыр аудандарында 2 және Балқаш, Қапшағай, Талдықорған, Кеген өңірлерінде бір мешіттің құрылысы.
Сонымен қатар, Қазақстан Республикасы Ақпарат және қоғамдық даму министрлігімен пен ҚМДБ бірлесе Алматы облысы аумағында 18 орынға мешіт салу қажеттілігі туралы тізім жасақталып бекітілді.
Бекітілген тізімге сәйкес бүгінгі таңда 18 мешіттің 9 – ның құрылыс жұмыстары басталып, бой көтерді.
Жалпы, 2021 жылдың аяғына дейін, 6 мешіттің құрылысын бітіріп, халық игілігіне беру жоспарлануда.
Олар: Алакөл ауданы, Жанама ауылдық мешіті, Ескелді ауданы, Биғаш ауылдық мешіті, Жамбыл ауданы, Көкдала ауылдық мешіті, Кербулақ ауданы, Алтынемел мешіті, Талғар ауданы, Өстемір ауылдық мешіті, Талдықорған қаласы Жастар 2 ықшам ауданы мешіті.
Естеріңізг сала кетейік, 2020 жылдың қараша айында облыс орталығы - Талдықорған қаласында жаңадан «Тәубе» мешіті бой көтерген болатын.
3 мың орындық мешіт «Салиқалы ұрпақ» қайырымдылық қорының тікелей демеушілігімен салынған болатын. Құлшылық үйінің ашылу рәсіміне қордың құрылтайшысы Болат Әбішұлы, Алматы облысының әкімі Амандық Ғаббасұлы, Бас мүфти Наурызбай қажы Тағанұлы қатысқан болатын.
Атап өтсек, мешіт қаланың 3-ші бөлімше шағын ауданында орналасқан. Мешіт құрылысы 2018 жылы басталған болатын. Жаңа мінәжат үйіне 1200 адам сияды. Жалпы,"Тәубе" қалалық мешіті 3 мың адамды қабылдай алады. Мешіт құрылысы кезінде заманауи архитектуралық шешімдер қабылданды. Ғимараттың формасы стандартты емес, ортасында бағандары жоқ үлкен аралықтары бар. "Тәубе" мешіті 2 қабаттан және биіктігі 40 метр екі мұнарадан тұрады. Күмбездің диаметрі -18 метр, биіктігі – 10 метр.