Бүгін Сыбайлас жемқорлыққа қарсы іс-қимыл агенттігінің Шығыс Қазақстан облысы бойынша Департаменті басшысының бірінші орынбасары Жігер Байділдин мен «Шығыс – адалдық алаңы» жобалық кеңсесінің жетекшісі М. Бахыт және БАҚ өкілдері бастаған жедел жұмысшы топ «СК – Фармация» ЖШС-нің Өскемен қаласындағы өңірлік қоймасына арнайы барып, пандемияның екінші толқынына дайындық барысына бақылау жұмыстарын жүргізді.
ШҚО-да Бірыңғай дистрибьютор арқылы 122 медициналық ұйым (тапсырыс берушілер) қамтамасыз етіледі.
Қойма өкілдерінің сөзіне сүйенсек, дәрілік заттар Облыстың операциялық қоймасына Алматы қаласында орналасқан Бірыңғай дистрибьютор хабынан келіп түседі. 26 қазандағы жағдай бойынша Өскемен операциялық қоймасына Алматы қаласы хабынан 175,04 млн теңге сомасына 179 позиция бойынша дәрілік заттары бар жоспарлы машина келді. Тауарды қабылдау рәсімі аяқталғаннан кейін (қайта есептеу, құжаттарды тексеру және т.б.), дәрілік заттар шағын көлікпен (термолабильді препараттарды тасымалдауға арналған контейнерлерді қолдана отырып, капилярлы жеткізу) ШҚО медициналық ұйымдарына тартады.
Өңірлік қойманың бүгінгі жәй-күйімен танысқан Жігер Байділдин дәрі-дәрмектердің толықтығын жіті бақылап, алдағы уақытта сұранысқа ие дәрі-дәрмектердің емдеу орындарына жеткізілу барысында ешбір кедергілердің болмау қажеттігін жеткізді.
Қоғам өкілдерінің қатысуымен осындай жұмысты алдағы уақытта да жүргізу жоспарланып отырғанын атап өткен жөн.