ШҚО бойынша Сыбайлас жемқорлыққа қарсы қызмет "Сапалы жол" жобасы аясында «Жол активтерінің сапасын сараптау Ұлттық орталығы» РМК аймақтық филиалының өкілдерімен бірлесіп, Өскемен қаласының Өтепов көшесінің жолына жүргізіліп жатқан орташа жөндеу жұмыстарына мониторинг жүргізді.
Жүргізілген мониторинг аталған көшені жөндеу жұмыстары техникалық талаптарға сәйкес жүргізіліп жатқандығын көрсетті. Бүгінгі күні ірі түйіршікті асфальт бетоннан тегістейтін қабат төселіп, бордюрлер орнатылуда. Артынан қиыршық-тас – мастикалық асфальт-бетоннан қабат төселеді.
Жыл басынан бері талдау үшін сынамалар алумен 64 іс-шара өткізілді, нәтижесінде 125 кемшілік анықталды, оның ішінде бүгінгі таңда 118-і жойылды.
Фото: ҚР сыбайлас жемқорлыққа қарсы іс-қимыл Агенттігінің