Солтүстік Қазақстан облысының Мамлютка ауданындағы Малютка кенті мен Есіл ауданындағы Явленка елдімекенінде коронавирус жұқтырғандар санының артуына байланысты карантиндік шектеу шаралары күшейтілді, деп хабарлайды ҚазАқпарат тілшісі.
СҚО еліміз бойынша бірнеше күннен бері коронавирус инфекциясын жұқтырудан алдыңғы үштікте келеді. Мәселен соңғы мәлімет бойынша бір тәулікте сырқаттанғандар саны 11 адамға артты.
Облыстық Тауарлар мен көрсетілетін қызметтердің сапасы мен қауіпсіздігін бақылау департаменті баспасөз қызметінің мәліметінше, СҚО әкімдігі жанындағы коронавирус инфекциясының таралуына жол бермеу мақсатында құрылған аумақтық комиссияның 6 қазан күні жаңа хаттамасы жарияланды. Яғни екі аптада ауылдық жерлерде қауіпті инфекцияны жұқтырудың 3-5, ал аудан орталығында 7 және одан да көп жағдайы тіркелсе, карантин шектеулер күшейтіледі.
Осыған орай Есіл және Мамлют аудандарының орталықтары карантинге жабылды. Соңғы екі аптада Мамлюткада – 16 және Явленкада 16 адам COVID-19 жұқтырған.
Бұл елдімекендерде тұрғындардың жүріп-тұруы шектелді. Сондай-ақ ресми және жекеменшік жолаушы тасымалдаушыларға облыс орталықтарынан басқа елдімекендерге және Петропавлға жолаушы тасымалдауға тыйым салынды.
Еске сала кетсек, 9 қазанда Мағжан Жұмабаев ауданының орталығы Булаев қаласы карантинге жабылды.