11-15 мамыр аралығында Семей қаласының аумағында жол көлік оқиғаларының, оның ішінде, жаяу жүргіншілердің қатысуымен болатын оқиғалардың алдын алу мақсатында “Назар аударыңыз – жаяу жүргінші” жедел-профилактикалық іс-шарасы өткізілді, – деп хабарлайды kazlenta.kz тілшісі Polisia.kz сайтына сілтеме жасап.
4 күнге созылған шара аясында полиция қызметкерлері қала көшелерін, қарбалас уақыттарда көлік көп қатынайтын жаяу жүргіншілер өткелдерін патрульдеді.
“Назар аударыңыз – жаяу жүргінші” ЖПІШ аясында ҚР ӘҚБтК-нің 600-бабы (Жаяу жүргiншiлердің немесе жол жүрiсiнiң өзге де қатысушыларының жүруiне басымдық бермеу) бойынша – 64 тұлғаға әкімшілік хаттама толтырылса, ҚР ӘҚБтК-нің 615-бабы (Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы) бойынша – 101 әкімшілік хаттама толтырылды.