Қызылорда облысының Полиция департаменті өз қатарындағы сыбайлас жемқорлықты жою бойынша қатаң шаралар қабылдауда, деп хабарлайды Polisia.kz.
Cыбайлас жемқорлық ел дамуына кедергі келтіретін қоғамдағы қауіп – қатерлердің бірі.
<!--more-->“Ғасыр дертіне” айналып бара жатқан проблеманы ауыздықтау – басты мақсат.
<!--more-->Қызылорда облысы Полиция департаментінің Өзіндік қауіпсіздік басқармасы қызметтік тәртіп пен заңдылықты нығайту, жеке құрам арасында сыбайлас жемқорлыққа қарсы іс-қимыл бойынша кешенді шаралар қабылдауды жалғастыруда.
<!--more-->Мәселен, 5 қазан күні ҚР ІІМ Өзіндік қауіпсіздік департаменті және Қызылорда облысының ПД Өзіндік қауіпсіздік басқармасымен бірлесіп арнайы шара барысында заңсыз әрекеттері үшін басқарма басшысы мен оның қызметкерін ұстады.
<!--more-->Қазіргі таңда күдіктілер уақытша ұстау изоляторына қамалып , ҚР ҚК-нің 190-бабының 3-бөлігі (Алаяқтық) бойынша сотқа дейінгі тергеп-тексеру амалдары жүргізілуде.
<!--more-->
“Қазіргі таңда қызметтік тергеу жүргізілуде. Мұндай заң бұзушылыққа қасақана барғандар заң аясында қатаң жазаға тартылады. Оларға біздің қатарымызда орын жоқ. Полиция беделіне нұқсан келтіретін әрекеттердің алдын-алу шаралары жалғасады”,- деп атап өтті Қызылорда облысы Полиция департаментінің бастығы Бектөре Сұлтан