Дүниежүзілік денсаулық сақтау ұйымы (ДДСҰ) соңғы 28 күнде коронавирус инфекциясын жұқтырғандар мен қайтыс болғандар саны азайғанын мәлімдеді, деп хабарлайды kazlenta.kz Tengrinews.kz сайтына сілтеп.
23 қаңтар мен 19 ақпан аралығында 5,3 миллионға жуық жұқтырғандар мен 48 мыңнан астам өлім тіркелгені атап өтілді.
Дүниежүзілік денсаулық сақтау ұйымының мәліметінше, өткен осы кезеңмен салыстырғанда ауруға шалдыққандар саны 89 пайызға, ал өлім-жітім 62 пайызға төмендеген.
22 ақпандағы жағдай бойынша, әлемде COVID-19 індетінің расталған 757 миллионнан астам жағдайы және пандемия басталғаннан бері 6,8 миллионнан астам адам қайтыс болған.