Синоптиктер еліміз бойынша 2023 жылғы 23-25 ақпанға арналған ауа райы болжамын ұсынды, деп хабарлайды kazlenta.kz Zakon.kz сайтына сілтеп.
"Қазгидромет" РМК ұсынған мәліметке сүйенсек, Қазақстан аумағына батыстан суық антициклон жылжиды, ол 25 ақпанда жауын-шашынсыз ауа райы мен температураның төмендеуіне әкеледі.
24 ақпанда күндіз республиканың оңтүстігінде найзағай болжанды.
"Еліміздің оңтүстігінде және оңтүстік-шығысында 25 ақпанда түнде жауын-шашын, күндіз жаңбыр, кей уақыттарда қатты жауын-шашын (жаңбыр, қар), көктайғақ болады"."Қазгидромет" РМК
Республика бойынша тұман, екпінді жел, республиканың солтүстік жартысында жаяу бұрқасын болжанады.
- Еліміздің батысында ауа температурасы түнде 0-15 °С аяздан 5-23 °С аязға дейін;
- солтүстік-батыста 7-15 °С аяздан 17-28 °С аязға дейін;
- солтүстікте және орталықта 13 °С аяздан 13-25 °С аязға дейін төмендейді;
- шығыста 0-13 °С аяздан 6 °С жылы – 2 °С аязға дейін ауытқиды;
- еліміздің оңтүстігінде, оңтүстік-шығысында түнде 0-8 °С жылы, таулы аудандарда 2-13 °С аяздан 0-5 °С аяз;
- таулы аудандарда 5-13 °С аязға дейін, күндіз 7-21°С жылыдан 6 °С аяз – 7 °С жылыға дейін төмендейді.