Алматы облысы тауларында қар көшкіні жүру қаупі бар. Осыған орай облыс тұрғындарына ескерту жасалды, деп хабарлайды облыстық ТЖД баспасөз қызметіне сілтеме жасаған kazlenta.kz
Ведомствоның мәліметінше, 2022 жылдың 17-22 желтоқсаны аралығында өңірде қар көшкіні жүру қаупі бар. Сол себепті ТЖД мамандары тұрғындар мен туристерге, демалушыларға қар көшкі қаупі бар болғандықтан, қарлы беткейлерге шықпауға, сондай-ақ таулы жерлерде барлық қауіпсіздік ережелерін сақтауға шақырады. Облыстық ТЖД мәліметінше, Алматы облысы аумағында 48 қар көшкіні қаупі бар аумақтар бар екен.
Олар Іле-Алатауы шатқалының оңтүстігік беткейіндегі Еңбекшіқазақ, Талғар, Қарасай аудандарында орналасқан. Ведомство өкілдері, сондай-ақ, қар көшкіні әдетте ауа температурасы күрт жылығанда немесе қар мен жаңбыр шамадан тыс көп көлемде жауғанда пайда болатын айтады.
19-12-2022, 17:04
ТЖД Алматы облысы тұрғындарына ескерту жасады
Егер мәтінде қате байқасаңыз, оны таңдап, Ctrl+Enter пернелерін басыңыз