Биылғы қаңтар–қазан айларында халықаралық ақша аудару жүйелері (ААЖ) арқылы шетелден аударылған қаражат көлемі 575,2 млрд теңгеге жетті, бұл 2021 жылдың сәйкес кезеңімен салыстырғанда бірден 2,5 есе көп, деп хабарлайды ranking.kz-ке сілтеме жасаған kazlenta.kz
Транзакциялар саны 46,7% өсіп, 1,4 млн-ға жетті, бір аударым бойынша орташа түбіртек бір жыл бұрынғы 246,5 мың теңгемен салыстырғанда, тиісінше 68% ұлғайып, 414,1 мың теңгені құрады.
Биыл ҚР-ға шетелден трансферттер көлемінің айтарлықтай артуы Ресейден келген аударымдар есебінен қамтамасыз етілді. Мәселен, 2022 жылдың қаңтар–қазан айларында РФ-дан ҚР-ға 305,7 млрд теңге аударылды, бұл өткен жылдың сәйкес кезеңімен салыстырғанда бірден 6,7 есе көп. Шетелден алынған қаражаттың жалпы көлеміндегі РФ үлесі бір жылда 19,6%-дан 53,1%-ға дейін өсті.
Сонымен бірге, биыл қаңтар, ақпан және наурыз айларында РФ-дан ҚР-ға аударымдар көлемі өткен жылдың көрсеткіштерінен төмен болды, бірақ Ресейдің Украинада соғыс қимылдары басталғаннан кейін, көрсеткіш күрт өсіп, маусымда шарықтау шегіне жетіп, РФ-дан аударым көлемі мамырда шарықтау шегіне жетіп 66,9 млрд теңгені, шілдеде 54,6 млрд теңгені, тамыз және қыркүйекте сәйкесінше 33,2 млрд және 36 млрд теңгені құрады. Қыркүйектің үшінші онкүндігінде жарияланған Ресейде мобилизация басталғаннан кейін қазан айында РФ-дан ҚР-ға аударым көлемі қайтадан өсті – алдыңғы аймен салыстырғанда бірден 18,6% көбейіп, 42,7 млрд теңгеге жетті.
Сондай-ақ Қырғызстаннан (осы жылдың қаңтар–қазанында 82,7 млрд теңге), Өзбекстаннан (42,4 млрд теңге), АҚШ-тан (38,1 млрд теңге) және Оңтүстік Кореядан (33,1 млрд теңге) қомақты қаржы аударылды.
Ақша аударымдары жүйесі бойынша Ресейдің «Золотая Корона» жүйесі арқылы шетелден қомақты қаражат аударылды: 406,5 млрд теңге — 2021 жылғы қаңтар–қазанмен салыстырғанда 3,2 есе көп.
Одан кейін айтарлықтай айырмашылықпен Western Union (68,1 млрд теңге), MoneyGram (46,2 млрд теңге), Contact (36 млрд теңге) және «Юнистрим» (16,2 млрд теңге) келеді. Қалған ақша аудару жүйелеріне небәрі 2,2 млрд теңге.