Қазақстанда 2023 жылғы 14 қаңтарда парламент сенаты депутаттарының сайлауы өтеді. Мемлекет басшысы тиісті жарлыққа қол қойды, деп хабарлайды Ақорданың ресми сайтына сілтеме жасаған kazlenta.kz.
"Қазақстан Республикасы Конституциясының 44-бабының 2) тармақшасына, "Қазақстан Республикасындағы сайлау туралы" 1995 жылғы 28 қыркүйектегі Қазақстан Республикасы Конституциялық заңының 69-бабына сәйкес, Қазақстан Республикасы парламенті сенатының депутаттары өкілеттіктерінің конституциялық мерзімі 2023 жылы аяқталатынына байланысты ҚАУЛЫ ЕТЕМІН:
1. Қазақстан Республикасы парламенті сенатының депутаттарын сайлау 2023 жылғы 14 қаңтарға тағайындалсын.
2. Қазақстан Республикасының үкіметі, Астана, Алматы және Шымкент қалаларының, облыстардың әкімдері Қазақстан Республикасы парламенті сенатының депутаттарын сайлауды ұйымдастырушылық, материалдық-техникалық және қаржылық қамтамасыз ету жөнінде шаралар қабылдасын.
3. Осы жарлық жарияланған күнінен бастап қолданысқа енгізіледі", - делінген президент жарлығында.
Айта кетейік, Қазақстан президентін ұлықтау рәсімі барысында Қасым-Жомарт Тоқаев бүгін парламент сенаты депутаттарының сайлауын тағайындау туралы жарлыққа қол қоятынын мәлімдеген еді.
26-11-2022, 12:16
Қазақстанда 14 қаңтарда сенат депутаттарының сайлауы өтеді
Егер мәтінде қате байқасаңыз, оны таңдап, Ctrl+Enter пернелерін басыңыз