Биылғы 31 қазанындағы жағдай бойынша коронавирус инфекциясын жұқтырғандар саны рейтингінде Қазақстан 229 елдің ішінде 55-орынға шықты. Пандемия басталғаннан бері Қазақстанда 1,4 млн адам коронавируспен ауырған, деп хабарлайды finprom.kz-ке сілтеме жасаған kazlenta.kz
Көрсеткіш ең көп тіркелген АҚШ, Үндістан, Франция, Германия және Бразилия. Батыс Сахарадағы рейтингтің астында. Инфекция пайда болған Қытайда бар болғаны 260 мың жағдай тіркелген. 31 қазанда Қытай 107-орында. ТМД елдерінің ішінде ҚР-ға қарағанда жұқтыру жағдайлары Ресей мен Украинада көп тіркелген*. Ресми статистикаға сәйкес, Беларусьте (кем дегенде 994 мың жағдай), Әзірбайжанда (823,2 мың), Молдовада (593,2 мың), Арменияда (445,1 мың), Өзбекстанда (244,6 мың), Қырғызстанда (206,4 мың), Тәжікстанда (17,8 мың) тіркелді.
ҚР-да COVID-19-дан қайтыс болғандар саны ресми статистика бойынша небәрі 13,7 мың адамды құрады.
Өңірлер бойынша коронавирус жұқтырғандар ең көп елордада тіркелді: 264,8 мың, одан кейін Алматы (257 мың) және Қарағанды облысы (161,2 мың).
Вакцинацияға келетін болсақ, Қазақстанда COVID-19 вакцинасының бірінші компонентін 10,8 млн адам, екінші компонентін 10,6 млн адам алды. Алынған вакциналар саны бойынша халық тығыз орналасқан облыстар — Түркістан мен Алматы облыстары, сондай-ақ Алматы қаласы көш бастады.
Our world in data мәліметтеріне сай, биылғы 31 қазанда ҚР-да вакциналардың толық дозаларымен егу 54,7%-ды құрады. Салыстыру үшін: дүние жүзінде көрсеткіш 62,5%, Азияда 71,9%, Еуропада 66,7%.
ТМД елдерінің ішінде Қазақстан Беларусьтен қалып қойды, онда екпе алғандардың үлесі халықтың 67,2%-ын құрады. Ресейде вакцина алу көрсеткіші 53,5%, Тәжікстанда 51,5%, Өзбекстанда 49,7%, Әзірбайжанда 46,9%, Украинада 38,2%, Арменияда 35,5%, Молдовада 32,7%, Қырғызстанда 20,4% құрады.
2022 жылдың қаңтар–қыркүйек айларында ҚР-да денсаулық сақтау және әлеуметтік қызмет көрсету саласындағы негізгі капиталға салынған инвестиция 138,9 млрд теңгеге жетті, бұл өткен жылмен салыстырғанда құндық мәнде 15,6% артық. Нақты өсім 12,7%-ды құрады.
Өңірлер бойынша инвестицияның ең көп көлемі елордаға түсті: 34,9 млрд теңге, жылдық өсім — 2 есе. Екінші және үшінші орында тиісінше Шығыс Қазақстан (13,5 млрд теңге, 2,3 есе өсім) және Жамбыл (13 млрд теңге, 68,7% өсім) облыстары.
Инвестициялардың басым бөлігі кәсіпорындардың меншікті қаражаты есебінен жүзеге асырылды: 48,4 млрд теңге — бір жыл бұрынғыдан 48,5% артық. Тағы 47,2 млрд теңге жергілікті бюджетке, 31,7 млрд теңгесі республикалық бюджетке түсті. Банктік емес несиелер 6,8 млрд теңгені, банктік несиелер 4,9 млрд теңгені құрады.