Шымкентте киімдерді арзан бағамен сату акциясын ұйымдастырған дүкен иесі халықтан кешірім сұрады, деп хабарлайды kazlenta.kz otyrar.kz сайтына сілтеме жасап.
Айта кетейік, бұған дейін желіде бір-бірін қысып, есіктен кіре алмай жатқан адамдардың видеосы тараған еді. Кейін анықталғандай бұл жайт 5 қарашада Шымкенттегі сауда үйлерінің бірінің алдында өткізілген акция кезінде болған. Дүкен иесі спорттық киімдерді арзан бағамен сату акциясын ұйымдастырған. Соның салдарынан дүкен алдында дүрбелең орын алған. otyrar.kz-тің хабарлауынша, оқиға орнына келген учаскелік инспекторлар қоғамдық тәртіпті қалпына келтірген.
Сондай-ақ аталған жағдайға қатысты дүкен иесі халықтан кешірім сұраған. Кәсіпкер келесі жолы мұндай акцияны қайта өткізсе, құзырлы органдарға ескертуге уәде берген. Дегенмен полиция акция ұйымдастырушы дүкен иесі ӘҚБтК-нің 488-1-бабы бойынша әкімшілік жауапкершілікке тартылатынын айтып отыр.
7-11-2022, 17:19
Шымкенттегі сауда үйінің жанындағы болған дүрбелең бойынша дүкен иесі кешірім сұрады
Егер мәтінде қате байқасаңыз, оны таңдап, Ctrl+Enter пернелерін басыңыз