Жеткізілімді Қазақстандағы ДДСҰ Елдік кеңсесі ұйымдастырды және онда медициналық мамандарға арналған қажетті жеке қорғаныс құралдары қамтылған: респираторлық және медициналық маскалар (бетперделер), бетке арналған қорғаныс қалқаншалары мен көзілдіріктер, сондай-ақ қорғағыш халаттар – жалпы сомасы 2,7 млн. АҚШ долларына бағаланатын барлығы 53 тоннадан астам жүк.
«СOVID-19 кеселімен күресте медициналық қызметкерлердің атқаратын рөлі бірінші және шешуші кезекте. Сондықтан олар өзін және өздерінің емделушілерін жұқпа жұқтырып алудан қорғау және инфекцияның қоршаған ортаға таралуына жол бермеу үшін қажетті құралдармен қамтамасыз етілуі тиіс, - деді Қазақстандағы ДДСҰ Елдік кеңсесінің басшысы д-р Кэролайн Кларинваль.
ДДҰ коронавируспен күресу мақсатында Қазақстанға қолдау көрсету үшін техникалық сараптама жасау және медициналық жеткізілімдер жөнелту жұмысын жалғастырады.