Петр Врублевский Украинаның Қазақстандағы елшісі қызметінен босатылды. Тиісті жарлыққа Украина президенті Владимир Зеленский қол қойды. Құжат Украина президентінің ресми сайтында жарияланды, деп хабарлайды kazlenta.kz
Бұған дейін Украина тарапы Қазақстандағы елшісін ауыстыруға ниетті екенін мәлімдеген болатын. Еске сала кетейік, Украинаның Қазақстандағы бұрынғы елшісі Петр Врублевскийдің қазақстандық блогерлердің біріне берген сұхбатындағы мәлімдемесі үшін басы дауға қалған еді. Бұдан кейін Қазақстан халқы Ассамблеясының мүшелері оның мәлімдемесін айыптады. Кейін Врублевскийді Қазақстанның Сыртқы істер министрлігіне әңгімеге шақырғаны хабарланды.
Онда украиналық дипломат сұхбаттағы мәлімдемесі үшін кешірім сұрағаны белгілі болды. Қыркүйек айында Қазақстан билігі Врублевскийді елден шығаруды талап етпегені туралы мәлім етті. Қазақстанның Сыртқы істер министрлігі Врублевскийдің демалыста екенін және Украина билігімен мансабын жалғастыру туралы кеңесіп жатқанын жеткізді.
19-10-2022, 10:13
Петр Врублевский Украинаның Қазақстандағы елшісі қызметінен босатылды
Егер мәтінде қате байқасаңыз, оны таңдап, Ctrl+Enter пернелерін басыңыз