Мәжіліс төрағасы Ерлан Қошанов парламент палаталарының бірлескен отырысын шақыру туралы өкімге қол қойды, деп хабарлайды заң шығарушы органның ресми сайтына сілтеме жасаған kazlenta.kz
"Қазақстан республикасы Конституциясының 58-бабы 4-тармағының 2 тармақшасына сәйкес парламент палаталарының бірлескен отырысы 2022 жылғы 16 қыркүйекте сағат 10-да Нұр-сұлтан қаласында шақырылсын", – делінген өкім мәтінінде.
Естеріңізге сала кетейік, 1 қыркүйек күні парламент палаталарының бірлескен отырысында мемлекет басшысы Қасым-Жомарт Тоқаев Қазақстан халқына жыл сайынғы дәстүрлі Жолдауын жолдады. VII сайланған парламенттің үшінші сессиясының ашылуында мемлекет басшысы 2023 жылы мәжіліс пен мәслихаттар депутаттарының сайлауын өткізу туралы шешім қабылдағанын мәлімдеді. Сондай-ақ, Жолдау барысында ол Қазақстанда қайта сайлану құқығынсыз жеті жылға "бір реттік президент сайлауын" енгізуді ұсынды.
15-09-2022, 13:19
Мәжіліс төрағасы парламент палаталарының бірлескен отырысын шақырды
Егер мәтінде қате байқасаңыз, оны таңдап, Ctrl+Enter пернелерін басыңыз