Мәжіліс төрағасы Ерлан Қошанов парламент палаталарының бірлескен отырысын шақыру туралы өкімге қол қойды, деп хабарлайды parlam.kz.-ке сілтеме жасаған Kazlenta.kz.
"Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы парламенті палаталарының бірлескен отырысы 2022 жылғы 20 маусымда сағат 10-да Нұр-Сұлтан қаласында шақырылсын", – деп жазылған өкім мәтінінде. Парламент палаталарының бұған дейінгі бірлескен отырысы 2022 жылғы 16 наурызда өткен болатын. Сол кезде мемлекет басшысы Қасым-Жомарт Тоқаев Қазақстан халқына үндеу жасаған еді.
Айта кетейік, ертең, 16 маусымда Ұлытау облысында Ұлттық құрылтайдың бірінші отырысы өтеді деп күтілуде.
15-06-2022, 11:08
Парламент палаталарының бірлескен отырысы қашан өтеді?
Егер мәтінде қате байқасаңыз, оны таңдап, Ctrl+Enter пернелерін басыңыз