Қаржы министрлігі елордаға бұрынғы атауы қайтадан берілген жағдайда, бұның қосымша шығынға әкелмейтінін хабарлады, деп жазады KAZ.NUR.KZ-ке сілтеме жасаған kazlenta.kz
"ҚР Парламенті елорданың бұрынғы атауын қайтару туралы шешім қабылдаған жағдайда, мемлекеттік органдар үшін қаражат негізінен ғимараттардағы маңдайшаларды ауыстыру және бланк өнімдерін өзгерту үшін қажет болады", – деп хабарлады Қаржы министрлігінің өкілдері. Сонымен қатар бұның барлығы мемлекеттік органдардағы көптеген процестердің цифрландырылуын ескере отырып, кезең-кезеңімен жүзеге асырылмақ.
"Бұл шараны мемлекеттік органдарды ұстауға арналған қаражат шегінде, қосымша ақша бөлусіз жүзеге асыруға болады. Басқаша айтқанда, қосымша қаржы қажет емес", – деп толықтырды ведомство.
Еске сала кетейік, бұған дейін депутаттардың елордаға Астана атауын қайтару туралы ұсынысы мемлекет басшысының келісімімен Конституциялық заң жобасына енгізілген еді.
14-09-2022, 12:26
Қаржы министрлігі Нұр-Сұлтанның бұрынғы атауын қайтарған жағдайда қосымша қаржы талап етілмейтінін мәлімдеді
Егер мәтінде қате байқасаңыз, оны таңдап, Ctrl+Enter пернелерін басыңыз