Депутаттардың елордаға Астана атауын қайтару туралы ұсынысы мемлекет басшысының келісімімен Конституциялық заң жобасына енгізілді, деп хабарлайды президенттің баспасөз хатшысы Руслан Желдібайдың Facebook парақшасына сілтеме жасаған kazlenta.kz.
"Парламенттегі депутаттар тобы елорданың бұрынғы Астана атауын қайтару туралы ұсыныс білдіргені мәлім. Депутаттардың бұл бастамасы туралы президент хабардар. Халық қалаулылары, өз кезегінде тұрғындармен кездесулерде айтылған ұсыныстарға, сондай-ақ референдум кезінде азаматтардың көптеген өтініштеріне сүйенді. Мәжіліс депутаттарының ұсынысы мемлекет басшысының келісімімен Конституциялық заң жобасына енгізілді. Президент Қазақстанның қазіргі мемлекеттілігін нығайтуда және елорданың іргесін қалауда Н.Ә. Назарбаевтың шешуші рөл атқарғаны тарихи факт деп санайды. Сондықтан Тұңғыш Президент атындағы басқа да нысандар өз атауларын сақтап қалуы тиіс", - деп жазды Руслан Желдібай.
14-09-2022, 10:11
Елордаға Астана атауын қайтару туралы ұсыныс Конституциялық заң жобасына енгізілді
Егер мәтінде қате байқасаңыз, оны таңдап, Ctrl+Enter пернелерін басыңыз