Такси қызметінің бағасы бір жылда 11% өскен. Бұл туралы kazlenta.kz Energyprom.kz сайтына сілтеме жасап хабарлайды.
«Қазақстан такси қызметі арзан елдердің рейтингінде 105 елдің ішінде 13 орында тұр. Елдегі 1 шақырымға жеткізудің стандартты тарифі – 0,35 доллар», - деп жазылған ақпаратта.
Дегенмен, ТМД бойынша Қазақстан такси бағасы ең қымбат елдердің бірі болып есептеледі. Бұл көрсеткіш бойынша алда тек Әзербайжан тұр. Мұнда стандартты такси тарифі (1 шақырымға) – 0,59 доллар. Беларусь пен Өзбекстанда такси тарифі 0,2 доллар, Украина мен Молдовада 0,22 доллар, Арменияда 0,25 доллар, Ресей Федерациясында 0,3 доллар.
Такси қызмет ең арзан елдердің тізімін Пәкістан (0,19 доллар) бастап тұр. Ал такси бағасы ең қымбат ел – Швейцария –4,02 доллар.
«Өңірлер арасында такси қызметіне Қарағанды облысы жиі жүгінген (1,08 млрд теңге). Сондай-ақ, Нұр-Сұлтан (641,4 млн теңге) мен Алматы (431,2 млн теңге) тұрғындары такси қызметін жиі пайдаланған.
Шілденің қорытындысы бойынша, такси қызметінің бағасы бір жылда 10,5% қымбаттаған.Өңірлер арасында такси бағасы Түркістан облысында бір жылдың ішінде 28,2%, Алматы облысында 28,1%, Атырау облысында 19% қымбаттаған», - деп жазады Energyprom.kz.