Алматыда жаяу жүргіншілер серуендеуі үшін автокөліктер қозғалатын кейбір көшелер жабылады, - деп хабарлайды Tengrinews.kz тілшісі.
Ақпаратты қала әкімі Бақытжан Сағынтаев өзінің Twitter-дегі парақшасында растады.
"@Askar_Baitassov жазғандай, сарапшылармен демалыс күндері автокөліктердің қозғалысы үшін кейбір көшелерді жабу мәселесін талқыладық. Бұл учаскелер жаяу жүргіншілер аймағына айналады. Қай көшелер екенін кейінірек хабарлаймыз. Дайын болыңыздар", - деп жазды қала әкімі.
Айта кетейік, қала өміріндегі өзгерістер туралы ақпарат бүгін Twitter-де жарияланған болатын. Бұл туралы кәсіпкер Асқар Байтасов жазған. Алайда әкімдіктің баспасөз қызметіндегілер ақпаратты алдымен жоққа шығарып, жалған екенін мәлімдеді.
Фото: vlast.kz