Ru  Kz
Барлық жаңалықтар

Президент Қасым-Жомарт Тоқаев ШЫҰ-ның Бас хатшысы Чжан Минді қабылдады

Президент Қасым-Жомарт Тоқаев ШЫҰ-ның Бас хатшысы Чжан Минді қабылдады
Фото: Ақорда

Мемлекет басшысы Қазақстанға алғаш рет ресми сапармен келген Шанхай ынтымақтастық ұйымының Бас хатшысы Чжан Минді қабылдады, деп хабарлайды kazlenta.kz.

Кездесуде аймақтық қауіпсіздікті қамтамасыз ету, сауда-экономикалық және мәдени-гуманитарлық байланыстарды нығайту сияқты басым бағыттар бойынша Қазақстанның Шанхай ынтымақтастық ұйымымен арадағы ықпалдастығына қатысты мәселелер талқыланды. Сондай-ақ қазіргі геосаяси жағдайдағы Ұйым қызметінің негізгі аспектілері қарастырылды.

Қасым-Жомарт Тоқаев Чжан Минге ілтипат білдіре отырып, оның ШЫҰ-ның Бас хатшысы қызметіне геосаяси ахуалдың күрделі жағдайында, яғни Ұйымның ерекше рөл атқаратын кезінде кіріскенін атап өтті.

– Қазақстан – Шанхай ынтымақтастық ұйымының белсенді мүшесі. ШЫҰ-ның Бішкекте өткен саммитінде сөйлеген сөзімде оның халықаралық аренадағы ұйымдардың ішіндегі ең табыстысы екенін атап өттім, – деді Қазақстан Президенті.

Сонымен қатар Мемлекет басшысы ШЫҰ-ның кең ауқымды проблемаларды қамтитын күн тәртібінің бірегейлігіне баса мән берді.

– ШЫҰ, шын мәнінде, қайшылық туғызатын ұйым емес. Оның қызметі конструктивтілікке, мүше мемлекеттер арасындағы ынтымақтастықты дамытуға бағытталған. Сонымен қатар бұл Ұйым халықаралық жағдайды жақсартуға зор үлес қосуды көздейді. Сондықтан Қазақстан ШЫҰ-ның жұмысына белсенді қатыса береді және оның әлеуетін нығайтуға өзінің елеулі үлесін қосады, – деді Қазақстан көшбасшысы.

Мемлекет басшысы еліміздегі алдағы жалпыұлттық референдумға байқаушылар миссиясын ұйымдастырғаны үшін ШЫҰ-ның Бас хатшысына ризашылығын білдірді.

Өз кезегінде Чжан Мин ШЫҰ-ға мүше басқа да мемлекеттердің көшбасшыларымен бірге өзін Ұйымның Бас хатшысы лауазымына тағайындау туралы шешім қабылдау кезінде сенім білдіріп, қолдау көрсеткені үшін Қасым-Жомарт Тоқаевқа алғыс айтты. Ол Президентке Ұйымның әлеуетін және мүше мемлекеттермен арадағы ынтымақтастықты одан әрі нығайту үшін бар күшін салатынын жеткізді.

Дипломат Қазақстанның әлеуметтік-экономикалық даму жолындағы жетістіктерін, Президенттің басшылығымен іске асырылып жатқан ауқымды реформаларды жоғары бағалады. Чжан Мин Ұйымның әлеуетін арттыруға еліміздің қосқан елеулі үлесін және оны дамытуға белсенді атсалысатынын айтты.

Әңгімелесу барысында Ұйымның Бас хатшысы Президентке қыркүйек айында Самарқандта өтетін Шанхай ынтымақтастық ұйымына мүше мемлекеттер басшылары кеңесінің кезекті отырысына дайындық барысы туралы мәлімет берді.

Сонымен қатар Қасым-Жомарт Тоқаев пен Чжан Мин халықаралық күн тәртібіндегі өзекті мәселелер жөнінде пікір алмасты.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Юрий Шатуновтың бақилық болар алдында жазған соңғы әні жарық көрді
Әнші Дидар Кәденнің жұбайы өнер иесіне қыз сыйлады
"Ирина Кайратовна" тобының мүшесі шаңырақ көтерді
Майра Ілиясова Бибігүл Төлегеноваға ерекше құрмет көрсетті
Әнші Ералхан Әбішевтің не себепті сахнадан көрінбей кеткені белгілі болды
Мультимедиа
Жамбылдық полицейлер Шу тұрғынынан 200 келіге жуық есірткі тәркіледі
Lexus мініп каналға түсіп кеткен тараздық түлектің жаңа видеосы жарияланды
Ұлттық ұланның авиациясы екі жаңа тікұшақпен толықты
Елордалық полицейлер ақша салынған сөмкенің ұрлығын ашты
Ақмолалық полицейлер жасырын есірткі зертханасын жойды