Алматыда жоғалып кеткен 14 жастағы оқушы қыз Зоя Юркова Есік қаласынан табылды. Бұл туралы LIDER.KZ қауымдастығының еріктілері Instagram-парақшасында мәлім етті, - деп хабарлайды Tengrinews.kz тілшісі.
Еске салайық, оқушы қыз 16 қыркүйекте кешкісін жоғалып кеткен. Ол Докучаев көшесі, 91а мекенжайында орналасқан №91 мектептен кетті. Оның қайда екені белгісіз болды."18.09.2021 жылы сағат 02.23-те еріктілер іздестіру жұмыстарын тоқтатып, Алматыға шықты. Қызды Еңбекшіқазақ ауданының полиция қызметкерлері Есік қаласында тапты. Тірі, аман-сау ата-анасына тапсырылды, енді міндетті түрде үйіне - Қарасай ауданына барады.
Іздеуге қатысқан және ақпарат таратқан барлық адамға алғыс айтамыз", - делінген хабарламада.