Ақмола облысында полицейлер заңсыз сатушыдан 200 литр спирт тәркіледі, деп хабарлайды Polisia.kz.
Ағымдағы жылдың 15 тамызында Ақмола облысы ПД КПБ жедел қызметкерлеріне Көкшетау қаласы Гоголь көшесінде ер адамның алкоголь өнімдерін заңсыз сатумен айналысатыны туралы жасырын ақпарат келіп түсті.
Жедел-іздестіру іс-шараларының нәтижесінде 2021 жылдың 16 тамызында жоғарыда аталған мекенжай бойынша ақмолалық жедел қызметкерлер алкоголь өнімдерін құю цехын тапты.
Жерасты цехын облыс орталығының 50 жастағы тұрғыны ұйымдастырғаны анықталды. Цехтың үй-жайын тексеру барысында полицейлер 200 литр этил спиртін, 40 блок контрафактілік темекі өнімдерін және алкоголь өнімдерін құюға арналған арнайы ыдыстарды тапты.
Алынған өнімнің үлгілері сараптамаға, сондай-ақ тұтынушылардың өмірі мен денсаулығы үшін сәйкестік және қауіпті анықтау тұрғысынан зерттеуге бағытталған. Материал Мемлекеттік кірістер басқармасына жолданды.