Өткен тәулікте, 13 тамызда елорданың мониторингтік топтары қаланың кәсіпкерлік объектілері арасында карантин талаптарын бұзған 17 мекемені анықтады, деп хабарлайды Нұр-Сұлтан әкімдігінің ресми сайты.
Есіл ауданында 6 мекеме карантин режимін бұзып жұмыс істеді. Бұл "Baobao", "The Sky", "Fashion bar", "Baoli" мейрамханалары, сондай-ақ "Панаехали" және "D1"барлары. Сонымен қатар "Garage" музыкалық барында, "Oldboy" барбершопында, "Masters" үстел теннисі клубында, "Leo kids" және "Tompag" балалар ойыншығы мен киім дүкендерінде, сондай-ақ "Лото клуб" және "Ирис"түнгі клубында да елдің бас санитарлық дәрігерінің қаулысы сақталмағаны анықталды.
Карантин талаптарын бұзу Алматы ауданының "Лото клуб" және "Bravo" барында және Сарыарқа ауданының "Мирас" және "Гаухартас" мейрамханаларында және "Банный двор" және "Пропарься" монша кешендерінде тіркелді.
Тәртіп бұзушыларға қатысты жиналған барлық материалдар әкімшілік сипаттағы шаралар қабылдау үшін санитарлық-эпидемиологиялық бақылау саласындағы уәкілетті органға берілді.
Естеріңізге сала кетейік, Нұр-Сұлтандағы эпидемиологиялық жағдай әлі де тұрақсыз, коронавируспен ауыратындар санының өсуі жалғасуда. Күн сайын ковидтік ауруханаларға аурудың орташа және ауыр ағымы бар ондаған науқас түседі. Елорда тұрғындары мен қонақтары саналы түрде саннормалар мен шектеу шараларын қатаң сақтауы, адамдар көп жиналатын орындардан аулақ болуы және өз денсаулығын сақтап, айналасындағыларға қауіп төндірмес үшін вакцинациялануы тиіс.