Нұр-Сұлтан қаласының әкімі Алтай Көлгінов жаңа оқу жылында балалар мектепке орала ма деген сұраққа жауап берді, деп хабарлайды ҚазАқпарат тілшісі.
«Балалардың мектепті сағынғанын білеміз. Не дегенмен, онлайн оқыту классикалық оқу процесінен ерекшеленеді. Мемлекет басшысының тапсырмасына сәйкес, біз осыған дайындалып жатырмыз. Біріншіден, бұл үшін барлық оқытушылар құрамы вакцина алуы керек. Қазір педагогтардың 60%-дан астамы вакцина салғызды, бұл жұмыс белсенді түрде жалғасуда. Әрине, біз дәрігерлермен кеңесіп, жастарға вакцина егуді талқылап жатырмыз. Әзірге бізде 18+ талабы бар. Бірақ, ең алдымен, мұғалімдерді вакциналау керек. Қазір жаңа оқу жылына дайындалып жатырмыз», - деді А. Көлгінов Орталық коммуникациялар қызметінде өткен баспасөз мәслихатында.
Сонымен бірге, әкім медициналық қарсы көрсетілімдері бар мұғалімдер вакциналаудан босатылатынын еске салды.