Егіс науқанын жүргізу үшін бір мезгілде бірнеше технологиялық операцияларды орындайтын 142 мыңға жуық трактор, 73 мың тұқым сепкіш және 4,3 мың өнімділігі жоғары егін егу кешені бар. Бұл туралы Ауыл шаруашылығы министрлігінің өкілдері ҚР Президенті жанындағы ОКҚ-де өткен брифингте хабарлады.
30 наурыздағы жағдай бойынша ауыл шаруашылығы техникасының 97%-ы көктемгі егіс науқанына дайын. Техникалар жоспарлы режимде дайындалады. Жаппай дала жұмыстарын бастауға техникалар 100% дайын болады.
Айта кету керек, биыл «ҚазАгроҚаржы» АҚ фермерлердің 1 112 жаңа ауыл шаруашылығы техникасын сатып алуларына 24 млрд теңге қаржы берді, оның 458-і отандық өндіріс техникасы.