ШҚО-да «Автомобильден сақтан» фильмінің кейіпкері Юрий Деточкин секілді әрекет еткен ер адам ұсталды, деп хабарлайды kazlenta.kz.
Аягөз аудандық полиция бөліміне 20 ақпанда 43 жастағы ер адам үйінің ауласындағы гаражда тұрған «ВАЗ» маркалы автокөлігін белгісіз біреудің ұрлап айдап кеткендігі туралы айтып жүгінген. Жәбірленуші көліктің кілтін оталдыру тетігінде қалдырғаны анықталды. Ер адам материалдық шығынды 1 500 000 теңгеге бағалады.
- Жедел-іздестіру іс – шаралары барысында криминалдық полиция қызметкерлері бұрын сотталған Тарбағатай ауылының 31 жастағы тұрғынын анықтап, ұстады, - деді ШҚО ПД бастығы Сағат Мадиев.
Аталған факті бойынша ҚР ҚК- нің 200- бабы 1- бөлігі бойынша сотқа дейінгі тергеп – тексеру жүргізілуде.