ҚР Экология, геология және табиғи ресурстар министрі Мағзұм Мырзағалиев Қазақстан Республикасы Президентінің көмекшісі Сэр Сума Чакрабартимен кездесті, кездесу барысында Министрліктің қызметі және Мемлекет басшысының Қазақстан халқына Жолдауын іске асыру жөніндегі негізгі міндеттер таныстырылды, деп хабарлайды kazlenta.kz.
Атап айтқанда, жаңа Экологиялық кодекс, «жасыл» экономиканы дамыту, Париж келісімі шеңберінде 2030 жылға қарай парниктік газдар шығарындыларын 15%-ға төмендету бойынша Қазақстан қабылдаған халықаралық міндеттемелер мәселелері талқыланды, сондай-ақ 2050 жылға дейін төмен көміртекті даму тұжырымдамасын әзірлеу жөніндегі қызмет те атап өтілді.
Сонымен қатар, министрлік Мемлекет басшысының Қазақстан халқына Жолдауында айтылған тапсырмасы бойынша жоспарларды таныстырды. Министрліктің орман қорына 5 жыл ішінде 2 млрд.ағаш отырғызу, экологиялық туризмді дамыту, сондай-ақ туристік инфрақұрылым жобаларын іске асыру үшін жеке инвестициялар тарту жөніндегі жоспарлары талқыланды.
Сондай-ақ, кездесу аясында геология және су ресурстары мәселелері бойынша қызметтің негізгі бағыттары таныстырылды. Геологиялық барлаудың тұрақты дамуын қамтамасыз ету және минералдық-шикізат базасын толықтыру, суармалы жерлер алаңын 3 млн.га дейін ұлғайту, суару желісін цифрландыу және 2030 жылға дейін жаңа су қоймаларын салу үшін ҚР аумағының геологиялық зерттелуін арттыру бойынша жұмыстар атап өтілді. Сонымен қатар, Арал теңізінің солтүстік бөлігін дамыту және қалпына келтіру бойынша жобаны іске асыру мәселелері талқыланды.
Сонымен қатар, Мағзұм Мырзағалиев балық саласын дамытудың, балық шаруашылығын дамытудың 2021-2030 жылдарға арналған бағдарламасын қабылдау, осы салаға инвестициялар тарту бойынша жүргізіліп жатқан жұмыстың және 2030 жылға дейін Министрліктің балық өсіру көлемін 7-ден 270 мың тоннаға дейін ұлғайту жөніндегі жоспарлардың маңыздылығын атап өтті.
Кездесу қорытындысы бойынша Сума Чакрабарти мырза қойылған мақсаттарды іске асырудағы оң динамиканы атап өтті және Мемлекет басшысының экология және биоалуантүрлілікті қорғау мәселелері жөніндегі Қазақстан халқына Жолдауын іске асыруға көмек көрсетуге дайын екенін білдірді.