Ағымдағы жылдың қаңтар айының аяғында "Қару" жедел профилактикалық іс-шараны жүргізу барысында Көкпекті ауданының криминалдық полиция бөлімінің қызметкерлері 63 жастағы ауыл тұрғынының үйін тінту кезінде әр түрлі калибрлі төрт бір ұңғылы және екі ұңғылы қару, 16 патрон, 18 гильзаға арналған патрон және қаптамадағы пышақ табылып, алынды, деп хабарлайды kazlenta.kz.
- Тергеу-баллистикалық сараптама тәркіленіп алынған заттардың спорттық және аңшылық ойық қаруларға арналған оқ-дәрілер және атуға жарамды екенін көрсетті. Пышақ-бұл зауыттық тәсілмен жасалған аңшылыққа арналған, кескіш суық қару болып табылады,- деді Сағат Мадиев.
Аталған факті бойынша ҚР ҚК-нің 287-бабы 3-бөлігі "Қаруды, оқ-дәрілерді заңсыз иемдену, беру, өткізу, сақтау немесе алып жүру"бойынша сотқа дейінгі тергеп-тексеру басталды. Осы баптың санкциясы 5 мың АЕК-ге (14 млн.585 мың теңге) дейін айыппұл, түзеу жұмыстары, не бес жылға дейінгі мерзімге бас бостандығын шектеу немесе айыру түріндегі жазаны көздейді. Күдіктіден келу туралы міндеттеме алынды.