9 ақпанда "Өскемен-Шемонаиха – Ресей Федерациясының шекарасы" тас жолында Новосибирск қаласынан Өскеменге баратын жолаушылар автобусы ауа–райының қолайсыздығына, қатты жел мен боранға байланысты қар құрсауында қалды,деп хабарлайды kazlenta.kz тілшісі ҚР ТЖМ баспасөз қызметіне сілтеме жасап.
ШҚО ТЖД құтқарушылары мен "Кажсервис" ЖШС техникасы көмекке келді.Автобус салонында 23 жолаушы болды, оның ішінде 5 бала. Жол қызметтерінің техникасы жолды тазалап жатқанда, құтқарушылар қолдарына күрек алып көмектесті, ал адамдар автобуста күтті. Содан кейін ШҚО ТЖД Жедел-құтқару жасағының қызметкерлері барлық жолаушыларды жол талғамайтын көлікпен эвакуациялап, жақын маңдағы елді мекенге жеткізді.ШҚО ТЖД алдын ала дауылды ескерту туралы ақпаратты орналастырған болатын. Азаматтардан қолайсыз ауа-райында елді мекендерінен шығып өмірлеріне қауіп төндірмеуін сұраймыз.10-02-2024, 12:26
Құтқарушылар мен жол қызметкерлері жолаушыларымен бірге жолда қалып қойған автобусқа көмекке келді
Фото: ҚР ТЖМ
Егер мәтінде қате байқасаңыз, оны таңдап, Ctrl+Enter пернелерін басыңыз