Ағымдағы жылдың 15 желтоқсанында сағат 13.50 шамасында Шемонаиха қаласының тұрғыны жолға жүгіріп шықты, соның нәтижесінде КАМАЗ автокөлігінің жүргізушісі әйелді қағып кетті.
- Жол-көлік оқиғасы салдарынан түрлі жарақаттармен 46 жастағы әйел Шемонаиха қаласының орталық аудандық ауруханасына жеткізілді. Зардап шегушінің мас күйінде болғаны анықталды,- деді Полиция департаментінің бастығы Сағат Мадиев.
Аталған факті бойынша бірқатар сараптамалар тағайындалды, оның нәтижелері бойынша процессуалдық шешім қабылданатын болады.