Түркістан облысының аумағында ауа сапасын автоматты түрде бақылайтын 5 қондырғы бар. Олардың үшеуі Түркістан қаласында, біреуі Кентауда және Састөбе ауылында орнатылған. Онлайн режимде әр 20 минут сайын өлшеу жүргізіліп, мобильді қосымша арқылы нәтижелерін көріп отыруға болады. Ал, алдағы уақытта автоматтандырылған бекет Сарыағаш пен Шардара аудандарында да орнатылмақ.
«Түркістанда аллеялар көлемі артып келеді. Арық атыздар қалпына келтіріліп, көгалдар көптеп егіліп жатыр. Сонымен қатар, жеке сектордағы және көп қабатты тұрғын үйлердің 90 пайыздан астамы табиғи газға қосылды. Алдағы уақытта да экологиялық ахуалды жақсарту бойынша тиісті жұмыстар жүргізіледі», - деді Қайрат Абдуалиев.