Синоптиктер 13, 14, 15 қарашаға арналған ауа райы болжамын жариялады, деп хабарлайды Tengrinews.kz тілшісі.
Қазгидрометтің мәліметінше, алдағы үш күндегі ауа райы солтүстік-батыс циклоны мен фронтальды бөлімдеріне байланысты болады.
"Батыстан шығысқа қарай жылжып, циклон республиканың барлық өңірін қамтиды, соған орай жаңбыр мен қар түрінде жауын-шашын, көктайғақ, солтүстік жартысында екпінді жел болады", - делінген хабарламада.
Батыста ауа температурасы түнде 5 градусқа дейін төмендейді, күндіз 10 градусқа дейін көтеріледі. Республиканың солтүстігінде, солтүстік-батысында, шығысында және орталығында 10 градус аяз болады, күндіз ауа температурасы 7 градусқа дейін көтеріледі. Еліміздің оңтүстігінде, оңтүстік-шығысында түнде 10 градус аяз, күндіз 10 градус жылы болады деп күтілуде.