"Шилі ауылының маңындағы Балдай қыстағындағы рейдтік іс-шаралар кезінде жабайы жануарлардың ұшасы табылды. Фазенда жұмысшыларының айтуынша, олардың көршілері қонақ қылған, кейіннен киіктің терісін, жануардың тұяғын, тіркелмеген тегіс ұңғылы аңшылық мылтығын тәркілеген", – дейді полиция қызметкері Олжас Абенов.
Аталған факт бойынша 35 және 44 жастағы ер адамдар ұсталды. Олар ақбөкенді заңсыз аулау және жою бойынша айыпталуда. Қылмыстық кодекстің 339-бабы 1-бөлігі (Сирек кездесетін және құрып кету қаупі төнген, сондай-ақ пайдалануға тыйым салынған өсімдіктер мен жануарлар түрлерін, олардың бөліктері мен дериваттарын заңсыз пайдалану) бойынша сотқа дейінгі тергеу басталды. Сот-биологиялық сараптама тағайындалды.
Жыл басынан бері Қостанай облысында полиция қызметкерлерімен табиғат қорғау заңнамасын бұзғаны үшін 300-ден астам құқық бұзушы әкімшілік жауапкершілікке тартылды. Экологиялық қылмыстар бойынша 9 қылмыстық іс тергелуде.