Ақтөбе облысының полиция қызметкерлері Ұлттық қауіпсіздік комитетінің өңірлік департаментіндегі әріптестерімен бірлесіп, кәсіпкерлерді бопсалаумен айналысатын қылмыстық топты ұстады, деп хабарлайды ІІМ ресми сайты Polisia.kz-ке сілтеме жасаған Kazlenta.kz
Қылмыстық топ құрамында деструктивті діни ағым белгілері бар алты адам болған. Олар діннің атын жамылып, бірнеше рет түрлі себептермен екі жас жігіттен ақшалай қаражат бопсалаған. Жедел іс-шараларды өткізу барысында аталған адамдар ұсталып, уақытша ұстау изоляторына қамауға алынды.
Аталған фактілер бойынша Қылмыстық кодекстің 194-бабы 2-бөлігі (Қорқытып алу) бойынша сотқа дейінгі тергеу басталды. Қазіргі уақытта ұсталғандардың басқа да осыған ұқсас қылмыстар жасауға қатысы бар-жоғы тексерілуде. Осы баптың санкциясы мүлкі тәркіленіп, үш жылдан жеті жылға дейінгі мерзімге бас бостандығынан айыру түріндегі жазаны көздейді.
25-07-2022, 15:09
Ақтөбе облысында қылмыстық топ ұсталды
Егер мәтінде қате байқасаңыз, оны таңдап, Ctrl+Enter пернелерін басыңыз