Алматы облысында «Ауылдық денсаулық сақтауды жаңғырту» ұлттық жобасы жүзеге асырылуда. Осы орайда 6 ауданда дәрігерлік амбулатория, фельдшерлік-акушерлік пункт сынды 38 нысан салу жоспарлануда, деп хабарлайды kazlenta.kz.
Оның ішінде 3 нысан осы жылы пайдалануға берілетін болса, 24 нысанның құрылысы биыл басталып, келер жылдың басында аяқталады. Қалған 11 медициналық мекеме 2024 жылы бой көтереді деп жоспарлануда.
Бұл жобаны іске асыру шалғайдағы елді мекендерде алғашқы медициналық көмек көрсету, сондай-ақ орталық аудандық ауруханаларды медициналық жабдықтармен толық жарақтандыру мәселелерін шешуге мүмкіндік береді.