Президент Қасым-Жомарт Тоқаев Үкіметке Түркияның оңтүстік-шығысында болған жойқын жер сілкінісінің салдарын еңсеруде шұғыл көмек көрсетуді тапсырды, деп хабарлайды kazlenta.kz Ақордаға сілтеп.
Сыртқы істер министрлігі мен Төтенше жағдайлар министрлігі түрік билігімен байланыс орнатты. Жақын арада Түркия Үкіметінің өтініші бойынша зардап шеккен өңірлерге қазақстандық құтқарушылар мен дәрігерлер ұшады.
Айта кетсек, Түркияда ақпанның 5-нен 6-на қараған түні жергілікті уақыт бойынша сағат 04:17-де Газиантеп маңында 17,9 шақырым тереңдікте 7,8 балдық жер сілкінісі тіркелді.
Соңғы мәліметтер бойынша, жер сілкінісінің салдарынан 500-ден аса адам қаза болды. Оның 280-і Түркия, 230-ы Сирия азаматы.
Бүгін мемлекет басшысы Қасым-Жомарт Тоқаев Түркия Президенті Режеп Тайип Ердоғанға көңіл айту жеделхатын жолдап, Қазақстан тарапынан қолдау болатынын жеткізді.
6-02-2023, 16:21
Тоқаев Түркияға көмек қолын созуды тапсырды: Қазақстан құтқарушылар мен дәрігерлерді жібереді
Егер мәтінде қате байқасаңыз, оны таңдап, Ctrl+Enter пернелерін басыңыз