Алматы облысы ТЖД министрлікке ұсынған мәліметке сай, газ баллоны Еңбекшіқазақ ауданы, Есік қаласында 18 қаңтар күні түнде, шамамен сағат 02:14-те жарылған.
"Шақырту орнына сағат 02:18-де келгеннен кейін тандыр наубайханасы қоймасының аумағында көлемі 50 л. тұрмыстық газ баллонын пайдалану бойынша қауіпсіздік талаптарының бұзылуына байланысты тарсыл пайда болып, кейіннен 10 шаршы метр аумақта өрт шығып, 96 шаршы метр аумақта шатыр мен қабырға құлағаны анықталды", - деп жазылған хабарламада.
Оқыс оқиға салдарынан Өзбекстанның екі азаматы қол-аяғының екінші дәрежелі термиялық күйігімен орталық аудандық ауруханаға жатқызылған.